• Mal de mares, de Alberto Bermúdez

    Novamente, traémosvos un título da editorial Tyrannosaurus Books: "Mal de mares", de Alberto Bermúdez.

    Diego e María embárcanse nunha aventura a bordo do Nuestra Señora del Rosario, un buque de guerra cun destino que ninguén podía imaxinar. O que se presentaba coma unha experiencia inesquecible convértese no peor dos seus pesadelos. Aos poucos días de zarpar a nave comeza a ser presa duns estraños fenómenos que levarán á tripulación ao máis funesto final. Don Pedro, un experimentado capitán de navío, xunto cos oficiais do máis alto rango, intentan manter a orde no barco mentres os mariñeiros ven a Diego e a María como os culpables das calamidades que están a sufrir... O medo, as supersticións e unha terrible enfermidade acabarán por impoñerse sobre a razón, segando calquera indicio de humanidade.

    Descubre un dos barcos máis impresionantes que xamais surcara os mares e planta cara aos aterradoes perigos que agochan as entrañas dunha mar inhóspita e misteriosa. Navega cun relato que evoca maxistralmente as inmortales obras de W.H. Hodgson ou W. Clark Russel, e disfruta do realismo sobrecolledor dunha novela que fará que te sintas un membro máis da tripulación.



    0 comentarios → Mal de mares, de Alberto Bermúdez

    Publicar un comentario